Welcome to Rediffmail:

Welcome to Rediffmail:

Shridhhanjali

Vayovridhha rangkarmi jismein abhineta nirdeshak ayojak prastutikarta ke sabhi utkrisht rang samaahit hain ,aur iske alaava patrakaar sameekshak kavi lekhak aur sansad ke galiyaare mein rangkarm ke bebaak vichaarak aur purodha Padma Vibhushan Habib Tanveer ji ab hamaare beech nahin hain. Pichhle teen saptaah se vey Central City Hospital Bhopal mein zindagi aur maut ke beech ho rahe sangharsh ko dekh rahe tthey.Unhen swaans lene mein kafi dikkat thi. AAj unka antim sanskaar bhopal mein sampann hua jahan desh videsh ke pratishthit abhineta rang karmi filmi kalaakaaron ne une bhavbheeni shridhhanjali arpit kee. Habib Tanveer rang manch ke sarvatha srijansheel yayavar aur nayee vidhaon ke janak rahe . Varsh 1977 mein jab maine rangmanch mein pravesh kiya to Kanpur mein Rangmanch ko rashtriya star ki prastutiyon ke anukool sanvaarne mein talleen Professor Satyamurty rashtriya Natya Vidyaalaya ke snaatakon rang nirdeshkon ko bulakar kanpur mein hi prastuti parak theatre Workshop aayojit karte aur abhinay mein abhiruchi rakhne wali nayee pratibhaaon ko apne natya Dal-" DARPAN" mein En.Es.Dee. ke prashikhit nirdeshkon ke sanrakshan mein natya prastutiyan taiyaar kar avyavasaayik rang manch ki upaadeyata sidhh karne mein jute tthe.Tabhi En.Es.Dee aur Bhartendu Natya Academi Lucknow ke sanyukt tatwawadhaan mein Dr. Satyamurty Dwaara aayojit rangmanchiya karyashaala ke maadhyam se maine DARPAN mein pravesh kiya.M.K.Raina ,Balraaj Pandit tatha Raj Bisaariya ke nirdeshan mein 40 divseeya natay Prashikhan shivir mein mujhe Habib Tanvir ke baare mein kafi kuchh jaankaari mili . Tabse lagaataar main Habib Tanveer ji ke baare mein sunta aaraha tha . unke dwara banaye gaye chhattisgarhi NaatyaDal "Naya Theatre"( naya thiyetar) ke srvotkrisht natya Prastuti -Charandas Chor ki charcha mein Habib Tanvir bin dekhe binjaane hamaare liye ek jaani pahchaani shakhsiyat ban chuke tthe. Khwahish tthi ki unki puraani natya prastutiyon ko bhi dekh loon.T.V. ayr Film mein unke abhineet anek filmon se unke vyaktitwa ki oonchayiyon ka ahsaas hota tha Ais lagta jaise un jaisa koyee doosara rang karmi bhi kya ho sakta hai! Natakon ki abhiruchi unhe Royal Academi of Drametic Arts aur Brissle Old Victoriya Theatre School mein paashchaatya rangkarm ki baareekiyan seekhne ke liye England mein adhyayan ke liye baadhya karti hai to doosary ore Shakespeare ke naatkon ko paaramparik hindustani gaon ki sabhyata mein naye swaroop aur kalevar mein Bhavon ki sarvbhaumikta ka naya vyanjan poori duniya ko parosane ki adbhut kshamta ka loha manvaati hai.Pashchaatya rangmanchiya taqneeq evam naveen vidhaaon ko hindustaani bhasha aur sabhyata mein simte hammare gaon ke janjeevan mein samrasata se ghol dena tatha poorab aur paschim ke sammilit swaroop ka ek naya rasaayan taiyaar kar Jo habib tanvir ji ne diya uski koyee saani nahin hai.Habib saheb ke naam mein unke kavi hriday ne unhe Tanveer banaya jo rangmanch ki avismarneey pahchaan bngayee.

Gat varsh 12 Ferbary 2008 ko pahle ganna kisan sansthaan mein unki natya prastuti Raj Rakt ke manchan ke samay tatha doosare din Bhartendu Academi ke hall mein SuryaMohan ji ke saath mila tha.Sgaar aur chhadi ke saath sir par felt cap jaise unke shareer ka hissa thi. Ek ati aadhunik kalakaar aur vyakti ka ek ati pichhade ganwaaroo varg se itna achha talmel poorab aur pachhim ke do kinaron ke milan ki asambhaavana ko galat sidhha kar rahe thhe. Usdin hamaare saath Akaashwaani ke Pratul joshi ji ne unki ek bhet vaarta record ki tthi. Aur tabhi ye chitr kheencha tha.

Rangmanch ke is adbhut Purodha ko hamaari Sriddhanjali. aur Shat shat naman.

Unhone anek suvikhyaat natak likhe jinme se Agra Baazaar aur Charandas Chor ne poori duniya mein khyaati arjit ki. In natakon ke liye unhe kayee Rashtriya va antarrashtriya purashkaaron se navaza gaya.